商機收料站 : 荃灣街坊場 入場費6千
早排同CoCo去荃灣行街，發現呢區愈愈旺，除多citywalk呢個新場外，好多商場仲翻晒新，好似綠楊新村、荃灣廣場等，好多食肆同品牌進駐呢區，數目同種類分分鐘多過旺角。 不過人流旺，租金都唔平，閒閒都要過萬，不過citywalk附近、位於川龍街協和廣場，開2年幾，雖然只係街坊商場，但係人流就勁旺，因為附近有唔少住宅樓宇，又近街市，就算中午都好多人行。聽招租部黃先生講，呢個場商鋪一向都好爆，不過因為今年初好多商鋪滿約，所以3月起又再招租，全個場約有80間鋪，家1樓同2樓已經俾人租晒，仲剩地下約5至10間鋪位，最細間200呎，租金約6千，即呎價約30蚊，比起鄰近及差不多級數英皇娛樂廣場，呎租要由$50起平好多。「我會同租客簽半年簽，畀佢試業，半年後可以停租，如果想長租，亦會優先畀番佢簽約。」黃先生指呢個場主要做女性及小朋友生意，樓上又有幾間補習社，所以賣女性時裝、玩具及精品就最合適。「如果驚租金貴，我仲有約5個車仔檔出租，2千蚊全包，最少只需要租3個月，平平已經可以試到市場反應。」人流多入場費算平，當創業經驗都抵啦。租務查詢：35251561
Subscribe to:
Post Comments (Atom)
No comments:
Post a Comment