新鮮人 : 夢想難敵一碗飯

新鮮人 : 夢想難敵一碗飯
人人話我，我只不過每日住「誠招女朋友」紙牌，走到旺角西洋菜南街或銅鑼灣時代廣場搵女朋友，當見到心儀女仔經過，就會即刻捉住佢雙手，然後同佢講：「我愛妳！做我女朋友！」不過，十個女仔十個拒絕，有次仲差被人打到入醫院。唔好以為我係變態佬，我只係全職話劇演員，鍾意街頭即興表演，周街「撩」女仔，都係為我緊套話劇「點呀老豆老母」宣傳，呢度要同俾我「撩」過靚女講聲對唔住！ 我四年前加入「好戲量」劇團，成為全職演員兼助理藝術總監，咪以為做得總監人工一定好高，呢四年我一毫子都冇收過。每次話劇票房收入會全數撥入劇團營運開支度。好多人笑我笨，4年都係白打工，但我好清楚自己夢想，就係要用盡一切方法令劇團成名，做街頭即興表演係最直接同最有效方法，所以我每日出動。怕醜仔變大膽我係理大「社會政策及行政學系」畢業生。大學時代參加劇社，令我對人生睇法起極大變化。入社當初只係諗住玩，之後見到劇友個個都十分熱血，將自己時間同心血付諸一齣話劇上，就開始感染我；另外我亦發現，話劇係除報章、雜誌等媒體外，另一個表達自己對社會意見平台，而且非常具力量，我有份參與《陰質教育》鬧香港教育制度，話劇一出街，即時引起社會很大回響，有人甚至同我講，我做比我所讀更有意義，自此，我決定專門製作有強烈社會批判色彩話劇。入劇社亦改變我對異性態度。我七年中學生涯，都男校中度過，好少同女仔接觸，就連望佢一眼都唔敢，不過，自從入劇社，我開始夠膽望女仔、同佢傾偈，同做對手戲。大學二年班，我更大膽到拖住同班女生手，將佢一抱入懷——佢就係我家女朋友。話劇帶畀我滿足感、膽量、女朋友，但就畀唔到經濟能力我。呢幾年，我每個月都要攤大手板問任職司機同倉務員父母零用錢，同女友出街食飯，超過一百蚊都要由佢畀。三十蚊以下先由我請客，三個月先可以去一次卡拉OK。好多人問我，為話劇，可以隨街溝女、又冇收入，女友唔會嬲？我亦問過佢，答案令我好感動，「我識你已經知你鍾意話劇，我就係鍾意你對夢想執！」可惜人總要為生活惆悵，為了女友與將來，我只可再多發一年夢，除非一年後劇團有糧出，否則我就要搵其他出路，夢想難敵一碗飯，人生如戲！