商機收料站 : 麥當勞暑期實習計劃
講到暑期工，好多學生哥暑假都會去麥當勞做兼職，原來麥當勞唔只有工做，仲會安排一實習機會畀學生。麥當勞人力資源及培訓高級總監關宏熙先生同我發錢韓講，話麥當勞每年都會搞「夏日繽紛暑期青少年大使計劃」，今年就會免費安排約250位中五、中七及副學士學生，到唔同地區麥當勞實習，由6月至7月，為期2個月，其間學員會接觸到各個職位工作，上至管理下至炸薯條都要學，每星期3日，每日有6個鐘。其餘時間仲會有好多活動畀佢參加，例如體驗式歷奇日營、參觀麥當勞供應商等，可以邊學邊玩。 雖然呢個計劃冇人工，只得千幾蚊車馬費，但係有咁多學，錢少都冇計啦，而且傑出學員仲可以參加「影子計劃」，麥當勞管理人員個別指導下，學習做餐廳管理工作，相信對佢日後搵工都有好大幫助。根據以往經驗，大約有1成學員參加完計劃後，會用番正常途徑面試，入職做管理層，話晒實習過，面試都數啦。計劃會5月底面試，想成為實習學員條件好簡單，除要符合以上學歷要求外，最緊要為人主動、開朗，就有好大機會入選喇！截止報名：5月23日查詢電話：81066180網頁：http://www.christian-action.org.hk/yap2008
Subscribe to:
Post Comments (Atom)
No comments:
Post a Comment